احيان تجرحني حروفك ولا ارد
الله يسامح من ذبحني غيابه
الطفلة الي بالحشى تزرع الود
الحرف منها مثل كل الكتابه
لا قالت :ابشر ضعت بالجز والمد
واذا اقبلت جتني وكلي مهابه
معها احس بسطوةٍ مالها حد
وبضحكها كل الادب والرتابه
مركوزة النهدين ممشوقة القد
تذوب من طاغي ترفها ثيابه
منها حنايا مهجتي مالها بد
فوق الحلا والذوق عقل وذرابه
مالوم دمع العين لو جرح الخد
وين الخطاء يا مدعين الغرابه
الشعر فيها جد ملعون ابو الجد
يقول في ذكرا غيابه هلا به
المشاركات
